Арчада социаль хезмәт алучыларны социаль-көнкүреш күнекмәләренә өйрәтү буенча дәресләр дәвам итә

2023 елның 29 августы, сишәмбе

28 августта Арча районы «Шәфкать үзәге» халыкка социаль хезмәт күрсәтү комплекслы үзәгенең көндезге тору бүлеге белгечләре «Яңаны беләм» программасы буенча социаль-көнкүреш адаптациясен үстерү буенча төркемле дәрес үткәрделәр.

Социаль хезмәт алучылар ике һәм дүрт тишекле төймәләрне тегү ысуллары белән таныштылар. Аннары мөстәкыйль яшәү өчен кирәкле белемнәрне, үз-үзеңә хезмәт күрсәтү күнекмәләрен формалаштыру буенча практик дәрес булды. Шулай ук чәнчи һәм кисә торган әйберләр белән эшләгәндә куркынычсызлык техникасын кабатладылар.