«Ышаныч» үзәге социаль хезмәткәре үз карамагындагы ханымны туган көне белән котлады

Яр Чаллы шәһәренең «Ышаныч» халыкка социаль хезмәт күрсәтү комплекслы үзәгенең социаль хезмәтләр алучысы Виктория Рафаил кызы үзенең туган көнендә җылы котлаулар кабул итте. «Чишмә» Халыклар дуслыгы йортының «Җәүһәр» вокаль ансамбле солистлары аның өчен күңелгә үтеп керерлек номерлар әзерләгән иде.

Виктория Рафаилевнаның язмышы җиңел түгел. Аның әти-әнисе «КАМАЗ» ГАҖ заводында эшли. 2012 елда авыр авырудан соң әнисе, ә бераздан әтисе дә вафат була. Бу вакытта иң якын кеше социаль хезмәткәр була. Аның яхшы сүзе Виктория Рафаил кызына төшенкелеккә бирелмәскә ярдәм итә.

Виктория Рафаилевнаның теләкләреннән чыгып, социаль хезмәткәр «Демография» милли проектының «Өлкән буын» федераль проекты чараларын гамәлгә ашыру кысаларында төрле социаль-тернәкләндерү чараларын уйлап таба. Виктория Рафаилевна көн саен махсус эшләнгән тренировка системасы буенча шөгыльләнә. Социаль хезмәткәр белән бергә алар көненә ике сәгать тренировкалар үткәрәләр, өч комплекс күнегүләрен чиратлаштыралар.