«Шәфкать» тернәкләндерү үзәгендә террорчылыкка каршы куркынычсызлык буенча дәрес узды

2023 елның 17 августы, пәнҗешәмбе

Кукмара районында «Шәфкать» мөмкинлекләре чикле балалар һәм яшүсмерләр өчен тернәкләндерү үзәгендә террорчылыкка каршы куркынычсызлык буенча «Гадәттән тыш хәлләрдә куркынычсыз үз-үзеңне тоту» дигән дәрес уздырдылар.

Дәреснең максатлары гадәттән тыш хәлләрдә үз-үзеңне тоту кагыйдәләрен өйрәнү, экстремаль шартларда дөрес карарлар кабул итү күнекмәләрен үстерү иде. Тәрбияләнүчеләр «Шартлаткыч җайланмага охшаган предметны тапкан очракта гамәлләр» видеосын карадылар, дуслары өчен төрле гадәттән тыш хәлләрдә үз-үзеңне тоту кагыйдәләре язылган истәлекләр ясадылар.

Ахырда балалар һәр кешенең уяулыгы һәм ваемсызлыгы күп кешеләрнең гомерләрен саклап кала ала дигән нәтиҗәгә килгделәр.