Минзәлә интернат-йортында «ДОН» комплексын кулланып дәресләр үткәрәләр
8 августта Минзәләнең өлкәннәр һәм инвалидлар өчен интернат-йортының социаль тернәкләндерү буенча белгече «Дон» күпфункцияле комплексын кулланып дәрес үткәрде. Бу кулларның вак моторикасын эшләтү өчен заманча җайланма. Ул элементар көнкүреш күнекмәләрен үстерүгә ярдәм итә, шулай ук хәрәкәтләрне координацияләүне үстерә. Күпфункцияле комплекс белән эшләү логик һәм абстракт фикерләүне яхшыртырга мөмкинлек бирә.
Узган дәрестә «Лабиринт» тренажеры кулланылды. Бу тренажер ярдәмендә аз хәрәкәтләнүче һәм урын өстендәге кешеләрнең хәрәкәтләрендә төгәллек үсә, социаль хезмәтләр алучылар яңадан күзәтергә һәм логик фикерләргә өйрәнәләр. Болар барысы да хәрәкәтләрне координацияләүне яхшыртуга, димәк, социаль хезмәтләр алучыларның тормыш сыйфатын яхшыртуга ярдәм итә. Моннан тыш, дәрес барышында өлкән яшьтәге кешеләрнең үз-үзләренә ышанычлары арта.