Теләче районында Карау мәктәбе эшчәнлеге
Теләче районының «Чишмә» халыкка социаль хезмәт күрсәтү комплекслы үзәге базасында план буенча Тернәкләндерү һәм карау мәктәбенең чираттагы төркемле дәресе узды. Дәреснең темасы – «Авыр авырган кешегә шәхси гигиенаны гамәлгә ашыруда ярдәм итү».
Уку вакытында тыңлаучыларга төп гигиена чаралары турында җентекләп сөйләделәр, киемне дөрес алыштыру, гигиена карау, авыруны боруны күрсәттеләр. Тернәкләндерү һәм карау мәктәбенә килүчеләр көндәлек тормышта куллану өчен файдалы мәгълүмат һәм практик күнекмәләр алдылар. Шулай ук аларга материалны ныгыту өчен буклетлар һәм белешмәләр таратылды.
Комплекслы үзәктә билгеләп үтелгәнчә, «Тернәкләндерү һәм карау мәктәбе» технологиясе ярдәмендә аз хәрәкәтләнүче гражданнарны карау һәм тернәкләндерүне оештыруга карашны сыйфатлы үзгәртергә, авыруларның һәм гаилә әгъзаларының тормыш сыйфатын яхшыртырга мөмкин булды.