Лениногорскида мәдәни-спорт тернәкләндерү форумы узды
4 нче августтан 6 нчы августка кадәр Республика сукырларны һәм начар күрүчеләрне социаль тернәкләндерү үзәге хезмәткәрләре Лениногорск шәһәренә бардылар, анда Бөтенроссия сукырлар җәмгыятенең Әлмәт җирле бүлеге белән берлектә «Дөньяга елмаю бүләк ит – 2023» IV мәдәни-спорт тернәкләндерү форумын үткәрүдә катнаштылар.
Чара политехник колледж базасында узды. Программа спорт, интеллектуаль һәм өстәл уеннары, иҗади конкурслар һәм тернәкләндерү биремнәрен үз эченә алды. Форумга Татарстанның төрле шәһәрләреннән һәм районнарыннан күрү сәләте буенча инвалид 40 якын катнашучы килде. Чара ахырында һәр команда иҗади номерлар тәкъдим итте.
Форум ябылганнан соң «Дөньяга елмаю бүләк ит» традицион акциясе узды, аның кысаларында катнашучылар урамда узучыларга шарлар тараттылар һәм аларга ешрак елмаерга теләделәр.