Әлмәтнең тернәкләндерү үзәгендә музыкаль уен үткәрделәр

2023 елның 4 августы, җомга

Шушы көннәрдә Әлмәт шәһәренең «Ветеран» инвалидларны тернәкләндерү үзәгендә социаль хезмәтләр алучылар катнашында музыкаль викторина узды. Ике командага бүленеп, катнашучылар көйләрне танып белделәр. Уен берничә раундтан торды. Алар совет мультфильмнарыннан, совет фильмнарыннан көйләргә һ. б. багышланган иде.

Уенны жюри бәяләде, ул җиңүчеләрне дә билгеләде.

Оештыручылар әйтүенчә, мондый чаралар күңелле атмосфера тудыра, стационар дәвалануда булган кешеләрнең күңелен ачарга ярдәм итә. Шулай ук уеннар социаль хезмәтләр алучыларны социализацияләүгә ярдәм итә.