Көндезге тору төркемендәгеләрне кибеткә йөрергә өйрәтәләр

2023 елның 28 июле, җомга

Минзәлә районының халыкка социаль хезмәт күрсәтү комплекслы үзәге белгечләре көндезге тору төркеменнән эшләмәүче яшьләр өчен «Пятерочка» азык-төлек кибетенә бару оештырдылар.

Белгечләр кибетнең нәрсә икәнен, ни өчен анда йөрүләрен, товарларны сайлау һәм сатып алу процедурасының ничек баруын аңлаттылар. Алар кибеттә кирәкле әйберне табарга элмә такталар ярдәм итә дип сөйләделәр. Бу шулай ук предметларны структуралаштырырга һәм классификацияләргә өйрәтә.

Чарада катнашучыларны товар сайларга, яраклылык вакытын карарга өйрәттеләр. Яшьләр аннары түләү процедурасы белән танышу өчен кассага үттеләр.

Экскурсия кибеттә йөрергә, сатып алуларны дөрес башкарырга, товарларның яраклылык вакытын тикшерергә һәм түләргә өйрәтте. Чарада дүрт кеше катнашты.