Социаль хезмәтләр алучыларның җәйге ялын һөнәри юнәлеш экскурсиясе белән төрлеләндерделәр

2023 елның 26 июле, чәршәмбе

Җәйге каникуллар вакытында балигъ булмаганнарның файдалы ялын оештыру максатыннан 25 июльдә «Тәтеш балкышы» халыкка социаль хезмәт күрсәтү комплекслы үзәгенең социаль хезмәтләр алучылары өчен типографиягә һөнәри юнәлеш бирү экскурсиясе оештырылды.

Балалар текстны кулдан ничек язганнарын белделәр, узган гасырда кулланылган борынгы станокны күрделәр, аны заманча җиһазлар белән чагыштырдылар. Типография җитәкчесе аның барлыкка килү тарихы турында сөйләде, басма техникасында эшләүче белгечләр, шулай ук басма җитештерү стадияләре белән таныштырды.