Минзәләдә йөкле хатын-кызлар белән дәрес үткәрделәр

Минзәлә районы халыкка социаль хезмәт күрсәтү комплекслы үзәгендә ата-ана булуга әзерлек, әниләрнең яңа туган балалардан баш тартуын кисәтү, туулар санын арттыру буенча «Гнездышко» гаилә институтын ныгыту буенча яшьләр белән мәгърифәтчелек эше программасы гамәлгә ашырыла.

Ана компетенциясен формалаштыру һәм нерв киеренкелеген бетерү максатыннан учреждение психологы «Булачак әнинең тормышын оештыру» темасына төркемле дәрес үткәрде. Булачак әниләргә ял итүнең психологик алымнары турында сөйләделәр, шуннан соң катнашучылар аларны практикада кулланырга өйрәнделәр. Гаилә белән эшләү буенча белгеч лекция укыды.

Дәрес нәтиҗәләре буенча йөкле хатыннарга «Булачак әнигә киңәшләр» дигән буклетлар таратылды. Чарада барлыгы дүрт кеше катнашты.