Минзәлә районы халыкка социаль хезмәт күрсәтү комплекслы үзәге психологы «Светофор» дип аталган яшүсмерләрнең девиант тәртибен төзәтү һәм психологик тикшеренү программасын тормышка ашыру кысаларында агрессивлыкны профилактикалау буенча дәрес үткәрде. Чара конфликтлы ситуацияләрне хәл итү күнекмәләрен формалаштыруга, үз эмоциональ халәтең белән идарә итү күнекмәләрен үстерүгә юнәлдерелгән.
Балалар белән агрессиядән, ачудан, башка тискәре хисләрдән һәм эмоцияләрдән котылу юллары турында сөйләштеләр. Күнегүләр ясаганда, катнашучылар үз кәефләре белән идарә итүнең нәтиҗәле һәм куркынычсыз алымнары белән таныштылар.