«Астра» тернәкләндерү үзәгендә мастер-класс үзды
Сәламәтлек мөмкинлекләре чикләнгән балаларны социомәдәни тернәкләндерү, абилитацияләү һәм социальләштерү өчен шартлар тудыру максатыннан 20 июльдә Алабуганың «Астра» мөмкинлекләре чикләнгән балалар һәм яшүсмерләр өчен тернәкләндерү үзәгендә мастер-класс узды. Чара Татарстан Республикасында Милли мәдәниятләр һәм гореф-гадәтләр елына багышланган иде.
Мастер-класс Президент мәдәни инициативалар фонды ярдәме белән, «Дагестан халыклары мозаикасы» VI Этномәдәни фестивале грантын гамәлгә ашыру кысаларында оештырылган.
Тернәкләндерү үзәгенә Алабугада яшәүче Дагыстаннан яшүсмерләр һәм яшьләр килде. Алар балаларга Дагестан Республикасы турында сөйләделәр, Патима Магомедованың иҗаты белән таныштырдылар, ул Дагестан халыкларының милли костюмнарында матрешкалар ясый.
Мастер-классның гамәли өлешендә катнашучылар матрешкалар ясадылар. Эштә агач һәм кәгазь эшләнмәләр, акрил буяулар һәм гуашь кулландылар.
Мондый чаралар кулның хәрәкәт функцияләрен үстерергә ярдәм итә, кул мускулларының билгеле бер төркемнәрен яхшырта, балаларның күзаллауларын киңәйтә.