Сабада «Бердәм Россия» белән минем карьерам» проектының Иҗтимагый советы утырышы узды
20 июльдә Сабада «Бердәм Россия» белән минем карьерам» проектының Иҗтимагый советының күчмә утырышы узды. Федераль партия проекты активы «Saba Balahoner» һөнәрләр шәһәре» Саба муниципаль районының һөнәри юнәлеш бирү проекты белән танышты.
Социаль юнәлешле проект кысаларында Саба районы балалары һәм укучылары бушлай учреждениеләргә йөри һәм урыннарда төрле һөнәрләр өйрәнә ала. Аерым бүлмәләрдә, районның билгеле бер профильдәге учреждениеләре һәм предприятиеләре остаханәләрендә балалар үзләрен төрле һөнәрләрдә сынап карап, уен аша төрле һөнәрләрнең нигезләрен аңларга һәм үзләштерергә һәм файдалы күнекмәләр ала алалар. Балалар гадәттән тыш хәлләрдә үзләрен тотарга, беренче ярдәм күрсәтергә, автомобиль тәгәрмәчләрен алыштырырга, микроскоп көйләргә, полиция чакырырга, үсемлекләр утыртырга, радиотапшырулар алып барырга һ. б. өйрәнәләр.
Татарстан Республикасы хезмәт, халыкны эш белән тәэмин итү һәм социаль яклау министры урынбасары, «Бердәм Россия» белән минем карьерам» федераль проектының Татарстан Республикасындагы Иҗтимагый советы рәисе Клара Таҗетдинова билгеләп үткәнчә, әлеге проектның үзенчәлеге шунда ки, барлык станцияләр дә потенциаль эш бирүче базасында урнашкан. Проектта катнашучыларның нинди шартларда эшләячәкләрен, шулай ук теге яки бу һөнәрне тулысынча күрү мөмкинлеге бар.
Утырышта шулай ук Саба районы халыкны эш белән тәэмин итү үзәге директоры Ленар Шәйдуллин, «Бердәм Россия» партиясенең җирле бүлекчәсе башкарма сәркатибе Фәрит Зарипов катнашты.