Республикада иң кирәкле белгечләр арасында машина йөртүчеләр, инженерлар, табиблар

Татарстан Республикасы буенча Федераль дәүләт статистика хезмәте Территориаль органының оператив мәгълүматлары буенча, 2023 елның апрель–июнь айларында республиканың эшче көчләре саны (15 яшь һәм аннан өлкәнрәк) уртача 2 064,8 мең кеше тәшкил иткән, шуларның 2 022,3 меңе икътисадта мәшгуль булган һәм 42,5 мең кеше, ягъни эшче көчләр санының 2,1 %, эшләмәгән, әмма актив эш эзләгән.

Татарстан Республикасында мәшгульлек дәрәҗәсе 62,0 % тәшкил итте.

Ел башыннан халыкны эш белән тәэмин итү хезмәте органнарында теркәлгән эшсезләр саны 1 333 кешегә кимегән. 19 июльгә теркәлгән эшсезләр саны 6 138 кеше, яки эшче көч санының 0,30 % тәшкил итә (2023 елның 1 гыйнварына 7,5 мең кеше, 0,37 %).

Татарстан Республикасы эш бирүчеләре «Россия эше» порталында 34 167 вакансия тәкъдим итә, шулардан:

- 22,2 % җитештерүдә (7,6 мең эш урыны);

- 8,1 % төзелеш һәм күчемсез милек өлкәләрендә (2,8 мең эш урыны);

- 5,7 % транспорт өлкәсендә (1,9 мең эш урыны);

- 5,2 % мәгариф һәм фән өлкәсендә (1,8 мең эш урыны);

- 5,2 % сәламәтлек саклау өлкәсендә (1,8 мең эш урыны);

- 3,4 % сату һәм көнкүреш хезмәт күрсәтү өлкәләрендә (1,2 мең эш урыны);

- 2,4 % азык-төлек сәнәгате өлкәсендә (0,8 мең эш урыны);

- 0,3 % консалтингта (0,1 мең эш урыны);

- 47,5 % – башка өлкәләр (16,2 мең эш урыны).

Хезмәт базарында киеренкелек коэффициенты – 0,18.

Хәзерге вакытта Татарстанда түбәндәге һөнәр белгечләре аеруча кирәк:

- җыештыручы (төрле белгечлекләр);

- машина йөртүчеләр (төрле белгечлекләр);

- инженерлар (төрле белгечлекләр);

- табиб (төрле белгечлекләр);

- контролер (төрле белгечлекләр);

- кисүче;

- тегүче;

 стропальщик;

- электр белән эретеп ябыштыручы (төрле белгечлекләр);

- аппаратчылар;

- фрезерлаучы.