«Гармония» үзәгенең өй бүлегендә өлкәннәр ярма терапиясе белән шөгыльләнәләр

2023 елның 19 июле, чәршәмбе

Өлкән яшьтәге гражданнарны һәм инвалидларны озак вакыт карау системасын гамәлгә ашыру кысаларында Буа районының «Гармония» халыкка социаль хезмәт күрсәтү комплекслы үзәгенең өй бүлеге белгече Тернәкләндерү һәм карау мәктәбендә чираттагы дәрес үткәрде. Чара вак моториканы үстерүгә юнәлдерелгән иде һәм ярма терапиясе белән башланды.

Ярма белән эшләү нәтиҗәсендә бармак очларындагы нокталар массажлана, бу гомуми хәлне яхшырта һәм кулларның моторикасын үстерә. Дәресләр нәтиҗәлерәк булсын өчен, комплекслы үзәк белгече социаль хезмәтләр алучыга тәкъдим ителгән күнегүләрне көн саен башкарырга киңәш итә.