Минзәлә интернат-йортында яшәүчеләрне эвакуацияләделәр
Бүген Минзәләнең өлкәннәр һәм инвалидлар өчен интернат-йортында янгын куркынычсызлыгы буенча өлкәннәрне һәм учреждение хезмәткәрләрен эвакуацияләү буенча планлы өйрәнүләр узды.
Беренче катта өченче бүлмәдә шартлы янгын чыккан иде, нәтиҗәдә бинада көчле төтен барлыкка килде, янгынның күрше бүлмәләргә таралу куркынычы һәм кешеләрнең тормышына куркыныч янады.
10:30 да сигнал бирелде һәм тавыш элемтәсе аша эвакуация турында игълан ителде. Хезмәткәрләр оператив рәвештә яшәүчеләрне интернат-йорт территориясенә чыгарырга ярдәм иттеләр. Беренче каттан барлык өлкән яшьтәге кешеләр эвакуацияләнде.
Тренировка вакытында беренчел хәбәр итү системасы сигналына вакытында реакция тизлеге, энергия белән тәэмин итүне кичекмәстән сүндерү, бинадан эвакуация чыгу юлларын тәэмин итү, шулай ук гадәттән тыш хәл килеп чыкканда инструкция буенча персоналның грамоталы, төгәл гамәлләре кебек факторлар исәпкә алынды.
Эвакуация паникасыз узды.