«Өмет» үзәгенең социаль педагогы куркынычсызлык буенча инструктаж үткәрде
Хокук бозуларны профилактикалау кысаларында Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге социаль педагогы җәйге каникуллар вакытында куркынычсыз тәртип буенча инструктажлар үткәрде. Риск төркеменә кергән гаиләләр өчен чаралар районның социаль участокларында узды.
Социаль хезмәтләр алучылар тимер юл объектларында, суда куркынычсыз тәртип кагыйдәләрен искә төшерделәр. Аларга балалар травматизмының сәбәпләре, транспорт хокук бозулары өчен административ җаваплылык турында искә төшерделәр. Шулай ук телефон алдаулары һәм алардан саклану ысуллары турында сөйләштеләр. Чара ата-аналарда җәйге чорда иминлекнең төп кагыйдәләрен белүне формалаштыруга һәм үз баласы өчен җаваплылык хисе тәрбияләүгә юнәлдерелгән.
Оештыручы сүзләренчә, мондый очрашулар җаваплы ата-аналык формалаштыруга һәм хокук бозуларны профилактикалауга ярдәм итә.