«Салават күпере» комплекслы үзәге тармакның яшь кадрларын әзерләүдә катнаша
2023 ел Россиядә Педагог һәм остаз елы дип игълан ителде. Остазлык – яшьләр белән һөнәрне үзләштергәндә мөһим һәм кирәкле эш формаларының берсе.
Бөгелмәнең «Салават күпере» халыкка социаль хезмәт күрсәтү комплекслы үзәге хезмәткәрләре зур тәҗрибәгә һәм эш стажына ия булып, тармакның яшь кадрларын әзерләү буенча остазлык эшенә актив җәлеп ителәләр. Бөгелмә һөнәри-педагогика көллиятенең икенче курс студентлары белән берлектә алар ялгыз яшәүче социаль хезмәт алучыларга волонтерлык ярдәме күрсәтү, шулай ук озак вакыт карау системасын оештыру буенча чаралар үткәрделәр.
«Социаль эш» белгечлеге буенча белем алучы студент кызлар практика вакытында социаль хезмәтләр алучыларда булдылар, аларга өй җыештыруда ярдәм иттеләр, тәрәзәләрне юдылар, пәрдәләрне элделәр, социаль хезмәткәргә авыр авыруларны юындырырга ярдәм иттеләр. Шулай ук өлкән яшьтәге гражданнарны һәм инвалидларны озак вакыт карау системасы эшчәнлеген оештыру кысаларында студентлар медицина оешмалары белән ведомствоара хезмәттәшлектә катнаштылар.
Студентлар йөкләнгән биремнәрне үтәгәндә активлык һәм намуслылык күрсәттеләр.
Социаль хезмәт алучылар аларга күрсәткән ярдәмнәре өчен бик рәхмәтле иделәр, ә студент кызлар бәяләп бетергесез тәҗрибә алдылар, бу аларга киләчәктә һөнәрләрендә тормышка ашырылырга мөмкинлек бирәчәк.