«Кайгырту» приютында тәрбияләнүчеләр пенсионерлар белән чарада катнаштылар

2023 елның 19 июне, дүшәмбе

17 июньдә Алексеевск районы «Кайгырту» балалар һәм яшүсмерләр өчен социаль приютында тәрбияләнүчеләр өчен урманга йөрү һәм дару үләннәре җыю оештырылды. Чарада шулай ук ветеран-пенсионерларның җирле иҗтимагый оешмасының волонтерлар отряды катнашты.

Билгеле булганча, олыларның тормыш тәҗрибәсе, зирәклеге һәм дәвалау үләннәренең файдасы турында белемнәре күп. Волонтерлар үсемлекләрнең дару үзлекләре турында белемнәре белән бик теләп уртаклаштылар. Мәсәлән, Евгений Иванович хикәясеннән балалар күп кенә хәзерге даруларның дәвалау эффекты буенча үләннәрдән һәм үсемлекләрдән алынган дарулар белән чагыштырырлык түгеллеген белделәр.

Чара барышында приютта тәрбияләнүчеләр үлән чәе кайнату өчен күп файдалы үләннәр җыйдылар.