«Өмет» комплекслы үзәгендә ишегалды уеннары яңадан торгызыла

2023 елның 16 июне, җомга

Биектау районының «Өмет» халыкка социаль хезмәт күрсәтү комплекслы үзәгенең гаиләгә һәм балаларга социаль ярдәм бүлеге социаль педагогы «Шәхеснең үз-үзен оештыру чарасы буларак ишегалды уеннары» технологиясе кысаларында 3 нче социаль участокта чара үткәрде. Чарада риск төркеменә кергән 25 балигъ булмаган бала катнашты.

Чараның максаты – сәламәт яшәү рәвешен формалаштыруга ярдәм итү һәм балигъ булмаганнар арасында күптән онытылган уеннарны пропагандалау. Балалар ишегалды уеннары турында белделәр. Уеннар вакытында балигъ булмаганнар аралашырга, командалар булдырырга һәм аларда эшләргә, тиз уйларга, сикерергә, йөгерергә һәм ярышырга өйрәнәләр.