Сукырлар үзәгендә волонтер студентлар өчен укыту үткәрделәр

2023 елның 9 июне, җомга

8 июньнән 9 июньгә кадәр Республика сукырларны һәм начар күрүчеләрне социаль тернәкләндерү үзәгендә күрү буенча инвалидларны озата бару буенча курслар узды. Үзәк хезмәткәрләре ветеринария академиясе студентларына сукырлар белән аралашу үзенчәлекләре, аларны транспортта, бинада һәм урамда озата бару турында сөйләделәр.

Курсның теоретик өлешеннән соң студентлар юл күрсәтүче эт белән таныштылар, күрү сәләте буенча инвалидны эт белән ничек озата барырга икәнен белделәр. Аннары учреждение хезмәткәрләре сукырларны озата бару буенча мастер-класс үткәрделәр, студентлар алган белемнәрен практикада ныгыттылар.

Чара ахырында волонтерларга үзәк буйлап экскурсия оештырдылар, тифлотехник тернәкләндерү чараларын күрсәттеләр.