Россия көне уңаеннан Татарстаннан Курск сугышында катнашучыларга медальләр тапшырылды

2023 елның 12 июне, дүшәмбе

Быел Бөек Ватан сугышының төп сугышларының берсе булган Курск сугышының 80 еллыгы билгеләп үтелә, ул немец-фашист илбасарлары белән көрәшнең борылыш чорының соңгы этабы була. Сугышчыларның батырлыгын гәүдәләндерүче иң якты вакыйгаларның берсе Прохоровск кырындагы танк сугышы була. Бу дата хөрмәтенә Белгород өлкәсе «1943 елның 12 июлендә Прохоров сугышының 80 еллыгы истәлегенә» медале булдырган.

Татарстан Республикасында Курск сугышында катнашкан ике Бөек Ватан сугышы ветераны яши. Бүген, Россия көнендә, аларга медальләр тапшырдылар.

Ветераннар Николай Колесников һәм Юрий Шастин бүләкне шатлык һәм рәхмәт белән кабул иттеләр, кунакларга сугыш еллары һәм сугыштан соңгы тормыш турында сөйләделәр.