Яр Чаллыдан МХО катнашучылар «Демография» илкүләм проекты буенча белем ала ала
Бүген Яр Чаллы шәһәренең «Россия эше» кадрлар үзәге директоры Татьяна Быданова шәһәр мэриясендә узган матбугат конференциясендә катнашты. Үз чыгышы барышында ул махсус хәрби операциядә катнашкан яки аның бурычларын үтәүдә ярдәм иткән сугыш хәрәкәтләре ветераннарының «Демография» милли проекты буенча яңадан укыту уза алачагын сөйләде.
«Бу категориягә шулай ук сугыш хәрәкәтләре барышында бурычларны үтәгәндә һәлак булган яки хәрби хезмәттән азат ителгәннән соң үлгән солдатларның гаилә әгъзалары керә, шарт – әгәр үлем Украинада махсус операция бурычларын үтәгәндә алган җәрәхәтләр яки авырулар нәтиҗәсендә булса», – дип ассызыклады Татьяна Быданова.
Укулар узу өчен гражданнарга «Россия эше» порталында гариза бирергә кирәк. Барлык сораулар буенча мәшгульлек үзәгенә (8552) 524-616, 525-132 телефоннары буенча мөрәҗәгать итәргә мөмкин.