Казанда үзенчәлекле балалар өчен велосипед ярышы үткәрелде
Горки-Әмәт урманында бүген сәламәтлек үзенчәлекләре булган балалар өчен «Бәхет белән ярышып» велосипед ярышы узды. Катнашучылар биеделәр һәм күңелле итеп вакыт үткәрделәр, уңай энергия заряды, медальләр алдылар.
Чакырылган катнашучылар арасында шулай ук Татарстан Республикасы Хезмәт, халыкны эш белән тәэмин итү һәм социаль яклау министрлыгы вәкилләре, тәрбиячеләр, ата-аналар һәм тернәкләндерү үзәкләре һәм интернат-балалар йортлары хезмәтләрен алучылар бар иде.
Балалар велосипедта 380 метр юл үттеләр. Велосипедта йөргәннән соң, чарада катнашучылар өчен кыр кухнясы оештырылды.
Велосипедта йөрү «Добрая Казань» АКБО, «Альпари» хәйрия фонды, Казан шәһәренең парклар һәм скверлар дирекциясе тарафыннан 2017 елдан бирле ел саен үткәрелә. Проект элегрәк Президент грантлары фонды һәм региональ грант ярдәме алган.