Алабуга интернат-йортында профилактик дәрес үткәрделәр

2023 елның 30 мае, сишәмбе

Алабуганың өлкәннәр һәм инвалидлар өчен интернат-йортында янгын сүндерү чараларын куллану күнекмәләрен өйрәнү буенча практик дәрес узды.

Хезмәтне саклау буенча белгеч Дмитрий Кузнецов хезмәткәрләргә «Шанс-Е» янгын вакытында шәхси саклану чарасын ничек дөрес кияргә һәм кулланырга кирәклеген җентекләп аңлатты һәм күрсәтте. Шуннан соң хезмәткәрләр шартлы янгын чыганагын сүндергәндә порошоклы янгын сүндерүчене практикада кулланырга өйрәнделәр.