Яшел Үзәннең мәшгульлек үзәге балалар өчен һөнәри юнәлеш экскурсиясе оештырды

2023 елның 22 мае, дүшәмбе

Шушы көннәрдә Яшел Үзән шәһәренең халыкны эш белән тәэмин итү үзәге «Ышаныч» мөмкинлекләре чикле балалар һәм яшүсмерләр өчен тернәкләндерү үзәгендәге балалар өчен һөнәри юнәлеш экскурсиясе оештырды. «Каенкай» гипермаркетына экскурсия барышында яшүсмерләр сатучы-консультант, интерьер дизайнеры, келәтче кебек һөнәрләр белән таныштылар.

Хезмәткәрнең тышкы кыяфәте, эш көне тәртибе һәм вазифа бурычлары нинди булырга тиешлеге турында яшүсмерләр гипермаркет хезмәткәрләреннән белә алдылар. Экскурсиядән тыш, «Каенкай» хезмәткәрләре балалар өчен мастер-класс үткәрделәр, анда балалар үз куллары белән яхшылык тартмасын җыйдылар һәм аны тернәкләндерү үзәгенә алып кайтып киттеләр.