Биектау районында Ата-аналар мәктәбендә тренинглар үткәрделәр
«2014–2024 елларга Татарстан Республикасында җәмәгать тәртибен тәэмин итү һәм җинаятьчелеккә каршы тору» дәүләт программасын тормышка ашыру кысаларында Биектау районының «Өмет» халыкка социаль хезмәт күрсәтү комплекслы үзәге психологы Ата-аналар мәктәбендә тренинглар үткәрде. 2 нче урта гомуми белем бирү мәктәбенең 1 нче социаль участогында узган чараларда 22 ата-ана катнашты.
«Корабчык» психологик тренингы катнашучыларның һәрберсенең шәхси үзенчәлекләрен, проблемалы ситуацияләргә җавап бирү үзенчәлекләрен һәм аның микросоциаль тирәлек белән мөнәсәбәтләрен ачыклады.
Төркемнәрдә катнашучылар психологик үз-үзләрен анализлау күнекмәләрен формалаштырдылар, көнкүреш аралашу өлкәсендә шәхесләр арасындагы конструктив мөнәсәбәтләр төзү белән шөгыльләнделәр. Тренинг проблемаларга мөнәсәбәтне оптимальләштерүгә һәм социаль элемтәләрне яхшыртуга ярдәм итте.
Интерактив тренингта балаларга ата-ана мәхәббәтен күрсәтүнең гади ысуллары күрсәтелде.
Дәреснең соңгы өлешендә ата-аналарга балаларның ышаныч телефоны, аның эш принциплары турында сөйләделәр. Шулай ук барлык катнашучыларга ышаныч телефоны номеры белән каләмнәр таратылды.