«Изгелек» үзәге тернәкләнүчеләре «Абилимпикс» региональ чемпионатында катнаштылар

2023 елның 17 мае, чәршәмбе

15 майда Яр Чаллы педагогия көллияте базасында инвалидлар һәм сәламәтлек мөмкинлекләре чикләнгән затлар арасында һөнәри осталык буенча «Абилимпикс» региональ чемпионаты узды. Анда шулай ук Яр Чаллы шәһәренең «Изгелек» инвалидларны тернәкләндерү үзәгенең социаль хезмәт алучылары да катнашты.

«Бисер үрү» компетенциясе буенча конкурс биреме кысаларында катнашучыларга өч сәгать дәвамында, өч үрү техникасын кулланыа, брошь үрергә кирәк иде. Ярыш нәтиҗәләре буенча Земфира Суфьянова җиңүче булды, Гөлия Шәяхмәтова икенче урынны алды.