Буа интернат-йортында Халыкара гаилә көнен билгеләп үттеләр

2023 елның 15 мае, дүшәмбе

Олы яшьтәге кешеләр өчен гаилә аеруча мөһим, әмма аларның кайберләре картлыкны ялгыз каршы ала. Буа өлкәннәр һәм инвалидлар өчен интернат-йортында Халыкара гаилә көнен билгеләп үттеләр.

Иртәдән үк ир-атлар үзләренең пар канатларын котладылар, рәхмәт сүзләрен белдерделәр һәм аларга чәчәкләр бүләк иттеләр. Хезмәт терапиясе дәресендә интернат-йорт тәрбияләнүчеләре гаилә учагын саклаучы әйбер ясадылар. Шулай ук социаль хезмәтләр алучылар сәламәтләндерү йөрешенә чыктылар.

Мондый чараларның максаты – гаилә кыйммәтләрен һәм гаилә мөнәсәбәтләрен саклау.