«Восхождение» үзәге тәрбияләнүчеләренең «Абилимпикс» региональ чемпионатында уңышлары

2023 елның 11 мае, пәнҗешәмбе

Татарстан Республикасында «Россия – мөмкинлекләр иле» президент платформасының «Абилимпикс» инвалидлар һәм сәламәтлек мөмкинлекләре чикләнгән кешеләр арасында һөнәри осталык буенча региональ чемпионаты старт алды.

Ярышларда Казан шәһәренең «Восхождение» инвалидларны тернәкләндерү үзәге карамагындагы балалар да актив катнаша, алар ел саен чемпионатның төбәк һәм бөтенроссия этапларында җиңүче булалар.

Социаль хезмәтләр алучы Альфинур Яруллина «белгеч» категориясендә «Спицалар белән бәйләү» компетенциясендә 1 урынны алды. Лилия Гайнуллина «Крючок белән бәйләү» компетенциясендә өченче булды.