Зәйдә махсус ихтыяҗлары булган балалар «Шатлык» комплекслы үзәгенә рәхәтләнеп йөриләр
5 май – Халыкара инвалидлар хокуклары өчен көрәш көне. Бу көнне, гадәттәгечә, Зәй районы «Шатлык» халыкка социаль хезмәт күрсәтү комплекслы үзәгендә инвалид балалар танып белү эшчәнлеген активлаштыруга юнәлдерелгән индивидуаль коррекция-үсеш дәресләренә йөриләр.
Ата-аналар белән дә эш алып барыла: атна дәвамында алар алга таба уку, балаларны тернәкләндерү мәсьәләләре буенча консультацияләр алалар. Булачак беренче сыйныф укучыларының ата-аналары махсус белем бирү ихтыяҗлары булган балаларны укыту буенча белем бирү учреждениеләрендә яраклаштырылган программаларны гамәлгә ашыру турында мәгълүмат ала.
Махсус белем бирү ихтыяҗлары һәм махсус адаптация ихтыяҗлары булган балаларга кабатларга, социаль-көнкүреш ориентирлашу күнекмәләрен ныгытырга кирәк, нинди дә булса гамәлләр башкарганда бала инструкцияләрне аңларга һәм төгәл үтәргә тиеш. Психик тайпылышлы балалар белән эшләгәндә еш кына терәк схема-планнар кулланыла. Балалар дәреснең алдагы этабыннан соң нинди этап барганын беләләр. Шулай ук учреждениедә «Игренок» идән уен терминалы бар. Бала уеннарны, яшь буенча күнегүләрне үзе сайлый ала.
Балаларның «Шатлык» үзәгенә зур теләк һәм кызыксыну белән килүләре, планлаштырылган барлык дәресләргә дә йөрүләре сөендерә. Балалар теләп аралашалар, тәкъдим ителгән уен материалын кулланалар. Балаларның сөйләм, танып белү, хәрәкәт, эмоциональ үсешендә активлашуын аларның ата-аналары да билгеләп үтә.