«Ышаныч» тернәкләндерү үзәгендә яңа технология кертелде

2023 елның 5 мае, җомга

Яшел Үзән шәһәрендә «Ышаныч» мөмкинлекләре чикле балалар һәм яшүсмерләр өчен тернәкләндерү үзәге базасында виброплатформада дәресләр технологиясе гамәлгә кертелде. Технология түбәндәге авырулары булган балаларга юнәлдерелгән: балалар церебраль параличы, сколиоз, мускул тонусы бозылу, травмадан соң хәл, симерү.

Тренировкалар нәтиҗәсендә уңай нәтиҗәләр күзәтелә: мускуллар артык йөкләнгәндә спастика һәм мускул киеренкелеге кими, сөяк тукымасы ныгый, мускул тонусы һәм вестибуляр аппарат яхшыра. Шулай ук ябыгу эффекты да билгеләнгән. Тернәкләндерүнең уңай нәтиҗәләре турында балаларның әти-әниләре дә сөйли.