Социаль хезмәт күрсәтү учреждениеләрендә 9 Майга чаралар башланды

2023 елның 4 мае, пәнҗешәмбе

Лаеш мөмкинлекләре чикле балалар һәм яшүсмерләр өчен тернәкләндерү үзәгендә тәрбияләнүчеләр Бөек Җиңүгә багышланган «Музыкаль блиндаж» музыкаль-әдәби кунакханәсендә булдылар.

Чарада педагоглар, социаль хезмәтләр алучылар һәм бәйрәм кунаклары – балалар сәнгать мәктәбенең «Яшьлек» ансамбле актив катнашты.

Чараны алып баручы Лилия Филиппова Советлар Союзы Герое Борис Кузнецов батырлыгына аерым игътибар бирде. Балаларга герой-якташның сугыш юлын өйрәнергә тәкъдим иттеләр.

Шулай ук «Яшьлек» ансамбле башкаруында сугыш чоры җырлары һәм музыкаль әсәрләре яңгырады. Ахырда барлык катнашучылар һәлак булганнарны бер минут тынлык белән искә алдылар.