«Меняем мир вместе» бөтенроссия конкурсының төбәк туры җиңүчеләре билгеләнде
Бүген 18+ инвалид балаларга һәм балачактан инвалидларга, шулай ук аларның гаиләләренә ярдәм итү өлкәсендә социаль юнәлешле коммерциячел булмаган оешмаларның иң яхшы практикалары «Меняем мир вместе» бөтенроссия конкурсының төбәк туры кысаларында тавыш бирү нәтиҗәләрен ясадылар.
Конкурста катнашучыларның барысы да дипломнар белән билгеләнде. Тавыш бирү нәтиҗәләре буенча региональ этапта җиңүче практикалар билгеләнде:
- «Россиянең Махсус Олимпиадасы» акыл ягыннан артта калган инвалидларга ярдәм итү гомумроссия иҗтимагый хәйрия оешмасының Татарстан республика төбәк бүлеге. «Гаилә спорт шимбәсе» практикасы белән оешма май аенда Мәскәүдә узачак конкурсның федераль этабында Татарстан Республикасын күрсәтәчәк;
- «Синең файдага» балалар һәм өлкәннәргә ярдәм итү хәйрия фонды («Симург» инклюзив ял үзәге» проекты);
- «Цветок Индиго» иҗат үзәге» АКБО («Инклюзив театр» проекты).
ТР Иҗтимагый палатасы рәисе Зилә Вәлиева һәм ТР ВОРДИ төбәк бүлеге рәисе Адель Заһретдинов барлык катнашучыларга рәхмәт белдерделәр һәм аларга алга таба үсеш һәм уңышлар теләделәр.