Югары Ослан интернат-йортында яшәүчеләрнең мавыктыргыч вакыт үткәрүе

2023 елның 28 апреле, җомга

Югары Ослан өлкәннәр һәм инвалидлар өчен интернат-йортында гофрлы кәгазьдән төсле чәчәкләр ясау буенча мастер-класс оештырылды. Көн җылы булу сәбәпле, дәрес ачык һавада, җәйге беседкада узды.

Хезмәт буенча инструктор Наталья Котова җитәкчелегендә «Иҗат шатлыгы» түгәрәгендә катнашучылар зур кызыксыну белән эшләделәр. Эшләнмәләр чыннан да матур килеп чыкты. Ахырда барысы да үз чәчәкләре белән бакчадагы декоратив күпердә фотога төшәргә теләделәр.

Һәркемнең кәефе күтәренке иде. Наталья Котова сүзләренчә, саф һавада шөгыльләнү өлкәннәргә бик ошый – тирә-юньдәге яшеллек иҗатка этәргеч бирә һәм яхшы кәеф тудыра.