Татарстан Хезмәт министрлыгы җәрәхәтләнү куркынычы булган тармакларны атады
Эшкәртү сәнәгате, транспорт һәм төзелеш Татарстан хезмәткәрләрендә иң күп җитештерү җәрәхәтләре теркәлә торган топ-3 тармагына керә. Бу хакта бүген «Татар-информ»да узган матбугат конференциясендә ТР хезмәт, халыкны эш белән тәэмин итү һәм социаль яклау министры Эльмира Зарипова хәбәр итте.
«2022 елда мәгариф оешмаларында травматизм дәрәҗәсе кимеде. Без бюджет тармакларындагы аварияләрне күзәтәбез. Беренче квартал нәтиҗәләре буенча, кызганычка каршы, без сәламәтлек саклау һәм авыл хуҗалыгы кебек тармакларда җәрәхәтләнү үсешен күрәбез», – диде ул.
Җәрәхәтләрнең 30 % төрле әйберләр һәм җиһазларны дөрес кулланмау аркасында була. Моннан тыш, травмаларның өчтән бере юл-транспорт һәлакәтләре аркасында була, дип хәбәр итте министр. Эшчеләрнең 27 % биеклектән егылып имгәнгән.