Лениногорск социаль хезмәт күрсәтү үзәгендә Ураза бәйрәмен билгеләп үттеләр

2023 елның 26 апреле, чәршәмбе

Лениногорск районының «Исток–Башлангыч» халыкка социаль хезмәт күрсәтү комплекслы үзәгенең социаль хезмәткәрләре өйдә социаль хезмәт күрсәтүдә булган гражданнарга Ураза бәйрәменә әзерләнүдә һәм аны бәйрәм итүдә ярдәм күрсәттеләр.

Бәйрәм алдыннан социаль хезмәткәрләр үз карамагындагыларның йортларын җыештырдылар, бәйрәм ризыклары әзерләделәр, коенуда ярдәм иттеләр. Бәйрәм көнендә алар өстәлләр әзерләделәр, теләүчеләрне мәчеткә озата бардылар.