Физик активлык олы яшьтәге кешеләрнең психик эшчәнлеген яхшырта

Лениногорск районының «Исток–Башлангыч» халыкка социаль хезмәт күрсәтү комплекслы үзәгенең социаль эш буенча белгече Альбина Хәбирова су-джок-терапия буенча социаль-тернәкләндерү чарасы үткәрде. Дәрес «Физик активлык аша акыл эшчәнлеген яхшырту» технологиясен гамәлгә ашыру кысаларында оештырылган, ул кешедә уңай кәеф булдыруга, эмоциональ киеренкелекне бетерүгә юнәлдерелгән.

Өлкән яшьтәге гражданнар һәм инвалидлар өчен социаль-тернәкләндерү чараларының төп максаты – аларның сәламәтлеген ныгыту, физик активлыгын арттыру юлы белән тормыш өчен мөһим ихтыяҗларны үзләре тормышка ашыру мөмкинлекләрен саклау. Дәрестә олы яшьтәге кешеләр уңай энергия белән тулыланып, бик күп уңай эмоцияләр алдылар.