«Яңарыш» тернәкләндерү үзәгендә экологик акция үткәрделәр
Бөгелмәнең «Яңарыш» мөмкинлекләре чикле балалар һәм яшүсмерләр өчен тернәкләндерү үзәгендә ведомствоара хезмәттәшлек кысаларында 3 нче мәктәп активистлары «Сайрый торган кошлар» экологик акциясен үткәрделәр.
Чара барышында мәктәп укучылары яз көне безгә оя корырга һәм кош чыгарырга килгән кошлар турында сөйләделәр. Алынган белемнәрне «Канат буенча тап», «Кечкенә кошлар» уеннары ярдәмендә ныгыталар. Шулай ук укучылар тернәкләнүчеләргә сыерчык оясын ничек һәм нинди материаллардан ясап була икәнен күрсәттеләр. Ахырда балалар үз куллары белән ясалган сыерчык оясын агачка элделәр.
Мондый чаралар балаларны һәм өлкәннәрне экологик хәрәкәткә җәлеп итүгә ярдәм итә, әйләнә-тирә мохитне саклау проблемаларына игътибарны җәлеп итә, шулай ук агач белән эшләүнең иҗади һәм гамәли күнекмәләрен үстерә.