Хезмәт мигрантлары өчен хокукый ярдәм һәм сәламәтлек көннәре үткәреләчәк
«Татарстан Республикасында хезмәт мигрантларының социаль адаптациясенә һәм интеграциясенә комплекслы якын килүне тәэмин итү» проекты кысаларында «Яңа гасыр» АХКБО чит ил гражданнарына хокукый ярдәм күрсәтүче хокукый ярдәм көннәре үткәрә. Төп сораулар – гражданлык алу, югалган документларны торгызу һәм рәсми эшкә урнашу һәм документларны рәсмиләштерү белән бәйле сораулар.
19 апрельдә һәм 26 апрельдә 12.00–15.00 сәгатьләрдә теләгән һәркем Казан шәһәре, Короленко урамы, 54 йорт, 122 каб. адресы буенча ярдәм үзәгенә килә ала.
Шулай ук бу даталарда сәламәтлек көннәре узачак. Кабул итүне табиб-дерматовенеролог Эльмира Шәйхетдинова үткәрәчәк.
Проект кысаларында социаль патронаж гамәлгә ашырыла, хезмәт мигрантлары өчен кереш ориентация курслары үткәрелә. Чаралар гражданлык җәмгыятен үстерүгә Татарстан Республикасы гранты акчасына гамәлгә ашырыла. Чит ил гражданнары «Татарстан Республикасында хезмәт мигрантларының социаль адаптациясенә һәм интеграциясенә комплекслы якын килүне тәэмин итү» проекты хезмәтләреннән бушлай файдалана ала.