Компьютер белән эшли белү өлкәннәрне социальләштерүдә булыша
Югары Ослан өлкәннәр һәм инвалидлар өчен интернат-йортында «Интернет-озын гомерлелек» программасы гамәлгә ашырыла. Социаль хезмәт алучылар компьютер белән эш итәргә, текст документларын төзергә һәм үзгәртергә, Интернетта тиз арада кирәкле мәгълүматны табарга һәм сакларга өйрәнәләр.
Чираттагы индивидуаль дәресне социаль эш буенча белгеч Юлия Иванова үткәрде. Социаль хезмәтләр алучы Рамил Кәлимуллин зур кызыксыну белән шөгыльләнде. Ул, башка күпләр кебек үк, мондый чаралардан зур файда күрә: компьютер ярдәмендә Рамил Кәлимуллин иптәшләре өчен бәйрәм открыткалары ясарга өйрәнгән, яраткан музыкасын тыңлый, фильмнар карый һәм хәтта шахмат уйный. Гаджетларны үзләштергәннән соң, ул туганнары белән активрак аралаша башлаган. Яңа белемнәр социальләшүдә бик ярдәм итә, белем һәм күнекмәләр горизонтын киңәйтә.