Татарстанлылар бушлай тонометрларын тикшерделәр
«Ышанычлы бул! Сәламәт бул!» Бөтенроссия социаль акциясе кысаларында Росстандартның ведомство карамагындагы оешмалары белгечләре 5 апрельдән 7 апрельгә кадәр ил халкының көнкүреш тонометрларының эшчәнлеген бушлай тикшерде.
Барлыгы кан басымын үлчәү өчен 35 449 тонометр тикшерелгән, бу акциянең барлык елларында абсолют рекорд.
Татарстанда быел акциянең географиясе киңәйде. Проектны үткәрү вакытында беренче тапкыр кан басымын контрольдә тоту приборлары республиканың биш шәһәрендә: Казан, Чаллы, Әлмәт, Түбән Кама һәм Чистайда тикшерелде. Татарстанның стандартлаштыру һәм метрология үзәге хезмәткәрләре барлыгы 3 666 тонометрны тикшергән, бу ил буенча иң яхшы күрсәткеч.
Шунысын да билгеләп үтәргә кирәк, быел Росстандарт тикшергән тонометрларның 10 %тан артыгы алга таба эксплуатацияләү өчен яраксыз булып чыкты. Тонометрның бозылуының төп сәбәбе үлчәүләрдә рөхсәт ителгән хатаны арттыру, шулай ук приборның техник төзексезлеге булып кала.