Минзәлә интернат-йортында планнан тыш өйрәнүләр оештырылды
Бүген Минзәләнең өлкәннәр һәм инвалидлар өчен интернат-йортында планнан тыш уку-күнекмә эвакуациясе һәм янгын куркынычсызлыгы буенча инструктаж үткәрелде.
Укуларда 15 хезмәткәр һәм 64 социаль хезмәт алучы катнашты. Күп кенә хезмәт алучылар аз хәрәкәтчән, шуңа күрә персоналга бинада янгын куркынычсызлыгын тәэмин итү, ә гадәттән тыш хәл килеп чыккан очракта тәрбияләнүчеләрне ашыгыч эвакуацияләү буенча зур җаваплылык йөкләнә.
Планнан тыш уку күнекмәләре барышында беренче каттагы ашханә залында электр үткәргечләре яну имитацияләнде. Янгынны ачыклаганда шунда ук автомат янгын сигнализациясе кабызылды, һәм персонал кешеләрне эвакуацияли башлый. Соңыннан интернат-йорт территориясендә янгыннарны профилактикалау һәм янгын чыккан очракта гамәлләр турында әңгәмә үткәрелде.
Тренировка нәтиҗәләре уңай бәяләнде, барлык автомат янгынга каршы саклану системалары эшләде.