«Изгелек» үзәгенең талантлы социаль хезмәт алучысы турында

2023 елның 27 марты, дүшәмбе

Яр Чаллы шәһәренең «Изгелек» инвалидларны тернәкләндерү үзәгендә бик күп мөмкинлекләре чикле кешеләр тернәкләндерү уза. Медицина процедураларын алудан тыш, аларның үзәктә үз талантларын ачу мөмкинлеге бар.

Сәләтле социаль хезмәт алучыларның берсе – Инсаф Галиев. Үзәктә беренче көннәреннән үк ул үзенең активлыгын иҗади юнәлештә күрсәтә. Инсаф Галиев табигый материал белән эшләргә бик ярата – ул агачтан искиткеч әйберләр ясый. Бу сәламәтлек мөмкинлекләре чикле булу талантка киртә булмавын тагын бер кат исбатлый.