Яр Чаллы кадрлар үзәге булачак эшкуарларга консультация бирә

2023 елның 24 марты, җомга

23 мартта Яр Чаллы шәһәренең «Россия эше» кадрлар үзәгендә бизнес булдыру мәсьәләләре буенча консультация мәйданчыгы оештырылды. «Бизнес старт» чарасында үз эшен ачуда кызыксынучы 20 кеше катнашты.

Очрашуда катнашучыларга бизнестагы беренче адымнар, кадрлар үзәге башлангыч эшмәкәрләргә ничек ярдәм итә алуы турында сөйләделәр. Шулай ук бизнес-план бүлекләре, маркетинг мәсьәләләре, өстәмә һөнәри күнекмәләр алу мөмкинлекләре турында фикер алыштылар.

Кадрлар үзәге вәкилләре катнашучыларга эшкуарлыкка дәүләт ярдәме чаралары турында сөйләделәр. Бухгалтерлык хисабы һәм салымнар буенча эксперт Марина Кузьмина һөнәри керемгә салымга күчү турында җентекләп сөйләде. Очрашуда катнашучылар барлык кызыксындырган сорауларына җаваплар алдылар.