«Наз» социаль приютында батырлык дәресе

2023 елның 23 марты, пәнҗешәмбе

Әгерҗе районындагы «Наз» балалар һәм яшүсмерләр өчен социаль приютында тәрбияләнүчеләр хәзер махсус хәрби операциядә катнашучы приютның элеккеге тәрбияләнүчесе белән очраштылар. Отпускка кайткач, ул хезмәткәрләр һәм балалар белән очрашырга приютка керә.

Балалар өчен батырлык дәресе үткәрелде, кунак чын ир-атның, солдатның, яклаучының төп сыйфатлары, ир-ат дуслыгының бәясе, үзара ярдәмләшү һәм хәрби намус турында сөйләде. Очрашу балаларда горурлык хисе уятты. Алар балачактан ук үзләре өчен генә түгел, якыннары өчен дә җаваплылык хисе тәрбияләүнең мөһимлеген белделәр.