«Кама таңнары» приютында тәрбияләнүчеләр сулыш гимнастикасы белән актив шөгыльләнәләр

Менделеевск районындагы «Кама таңнары» балалар һәм яшүсмерләр өчен социаль приютында «Время побед» АКБОның «Сәламәт бул» кислород фитобары» проекты тормышка ашырыла. Ул гражданлык җәмгыятен үстерүгә республика гранты ярдәмендә кертелә.

Приют педагоглары балаларның яшен исәпкә алып гади һәм күңелле күнегүләр комплексын эшләгәннәр, атна саен приют тәрбияләнүчеләре өчен сулыш гимнастикасы комплексы үткәрелә. Сулыш гимнастикасы умыртка баганасына уңай йогынты ясый, сәламәтлекне һәм энергияне саклап калу өчен кирәк.