Көндезге тору төркемнәрдә яшь инвалидлар өчен коррекция-үсеш дәресләре үткәрелә
Минзәлә районы халыкка социаль хезмәт күрсәтү комплекслы үзәгендә көндезге тору төркеме өчен «Сезон буенча кием сайлау» дигән чираттагы коррекция-үсеш дәресе үткәрелде. Чара «Калейдоскоп» программасы кысаларында оештырылды. Аның максаты – шәхеснең көнкүреш, хезмәт эшчәнлегенә әзерлеген формалаштыру һәм вакыт һәм киңлектә ориентацияләнгәндә мөстәкыйльлекне үстерү.
Кием һәр кешенең тормышының аерылгысыз өлеше булганлыктан, чараның максаты кием, аяк киеме һәм баш киеме төрлелеге турындагы күзаллауларны ныгыту һәм гомумиләштерү иде. Психолог Евгения Бочкарева дәресне нейрогимнастикадан башлады. Мондый күнегүләрне системалы рәвештә башкару баш миенең гомуми эшчәнлеген һәм продуктивлыгын арттыра.
Дәреснең практик өлеше барышында белгечләр берничә үсеш уеннары һәм күнегүләр үткәрделәр. Катнашучылар кием һәм аяк киемен атарга өйрәнделәр, кеше тормышында аларның әһәмияте турында фикер алыштылар. Шулай ук кием турында табышмаклар да чиштеләр.