Алабуганың «Ышаныч» үзәге «Социаль дус» проектын тормышка ашыруда катнаша
«Ышаныч» халыкка социаль хезмәт күрсәтү комплекслы үзәге каршындагы «Алабуганың көмеш волонтерлары» отряды активистлары чираттагы очрашуга җыелды. Чара кысаларында 2022 елда коммерциячел булмаган оешмалар өчен ТР Министрлар Кабинеты грантларын алу конкурсында җиңүче булган «Социаль дус» проектының контроль пунктлары турында фикер алыштылар.
«Социаль дус» проектының максаты – актив өлкән яшьтәге гражданнарны аз хәрәкәтләнүче, ялгыз һәм ялгыз яшәүче өлкәннәргә, шул исәптән өйдә социаль хезмәт күрсәтү бүлегенең социаль хезмәтләр алучыларына мөмкин кадәр ярдәм күрсәтүгә җәлеп итү. «Ышаныч» үзәге – проектны оештыручы Алабуга муниципаль районы ветераннары (пенсионерлары) җирле иҗтимагый оешмасының төп партнерларының берсе.
Проект командасы әгъзалары өлкәннәргә бару вакытын, очрашулар исемлеген билгеләделәр, ялгыз өлкән яшьтәге кешеләрнең психология үзенчәлекләре белән таныштылар. Һәр волонтер белән ирекле эшчәнлек турында килешүләр төзелде.
Проект командасы катнашучыларга сатып алынган җиһазлар (өстәл уеннары, кулларның вак моторикасын үстерүче һәм саклаучы әйберләр), аларны куллану ысуллары турында сөйләде.
Якын арада «көмеш» волонтерлар «Педагог – педагогка» акциясе белән ялгыз яшәүче хезмәт алучыга, хезмәт һәм тыл ветеранына барырга ниятли.