Югары Ослан интернат-йортында бәйрәм чаралары уздырылды
Татарстанда игълан ителгән Милли мәдәниятләр һәм гореф-гадәтләр елы кысаларында Югары Ослан өлкәннәр һәм инвалидлар өчен интернат-йортында Нәүрүз бәйрәменә багышланган чаралар оештырылды.
Иртәдән үк интернат радиосы аша барысын да Язгы көн белән төн тигезлеге көне белән котладылар һәм аның гореф-гадәтләре турында сөйләделәр. Аннары хезмәт буенча инструктор Наталья Котова социаль хезмәтләр алучыларны «Милли костюм» мастер-классына чакырды, анда ак чәчле осталар төсле кәгазь һәм бисердан эшләнмәләр ясарга өйрәнделәр. «Аш-су мәктәбе» түгәрәгендә интернат-йорт халкы үзбәк пылавы пешерде.
Наталья Котова сүзләренчә, мондый чаралар өлкәннәрне һәм инвалидларны уңышлы тернәкләндерү өчен бик мөһим: социаль хезмәтләр алучылар файдалы социаль күнекмәләрне тизрәк үзләштерә, аларның әйләнә-тирә дөнья белән кызыксынуы арта.